မြန်မာနိုင်ငံ တစ်ဝှမ်းလုံးရှိ သီတဂူဆေးရုံပေါင်း ၄၀ ကျော်ကို COVID-19 ရောဂါ စောင့်ကြည့် နေရာများအဖြစ် အသုံးပြုလိုပါက ပူးပေါင်းပါဝင်မည်ဖြစ်ကြောင်း အပြည်ပြည်ဆိုင်ရာ သီတဂူ သာသနာပြုအဖွဲ့ ထုတ်ပြန်

မြန်မာနိုင်ငံတစ်ဝှမ်းလုံးရှိ သီတဂူဆေးရုံပေါင်း ၄၀ ကျော်ကို COVID-19 ရောဂါစောင့်ကြည့် နေရာများအဖြစ် အသုံးပြုလိုပါက ပူးပေါင်းပါဝင်မည်ဖြစ်ကြောင်း အပြည်ပြည်ဆိုင်ရာ သီတဂူသာသနာပြုအဖွဲ့က မတ်လ ၂၆ ရက်နေ့က ထုတ်ပြန်ကြေညာခဲ့သည်။

သီတဂူဆရာတော်ကြီး ဦးဆောင်တည်ထောင်ထားသော မြန်မာနိုင်ငံတစ်ဝှမ်းရှိ သီတဂူဆေးရုံတော်များကို (၁၄) ရက်တာ စောင့်ကြည့်နေရာဌာနများအဖြစ် အသုံးပြုရန်ဆန္ဒရှိပါက သက်ဆိုင်ရာမြို့နယ် ကျန်းမာရေးဌာနများဖြင့် ဆွေးနွေးတိုင်ပင်ပြီး အသုံးပြုနိုင်ရန်အတွက် ခွင့်ပြုလိုက်ခြင်းဖြစ်ကြောင်း အပြည်ပြည်ဆိုင်ရာ သီတဂူသာသနာပြုအဖွဲ့ ဆေးရုံအုပ်ချုပ်ရေးကော်မတီက မတ်လ ၂၆ ရက်နေ့က ထုတ်ပြန်ခဲ့ခြင်းဖြစ်သည် ။

မြန်မာနိုင်ငံအတွက် အထူးလိုအပ်လျှက်ရှိသော ကျန်းမာရေးကဏ္ဍ၊ ကျန်းမာရေးစောင့်ရှောက်မှုများကို ကျန်းမာရေးဝန်ကြီးဋ္ဌာန၏ စီစဉ်ညွှန်ကြားချက်များနှင့် ခွင့်ပြုချက်များ/ ခွင့်ပြုမိန့်များနှင့် အညီ တစ်ထောင့်တစ်နေရာမှ ဖြည့်ဆည်းပေးနိုင်ရန်အတွက် သီတဂူဆရာတော်ကြီး၏ လမ်းညွှန်မှုဖြင့် တည်ဆောက်ခဲ့သော တိုင်းနှင့်ပြည်နယ်၊ မြို့အသီးသီးမှ သီတဂူအာယုဒါန၊ သီတဂူ အာရောဂျဒါန၊ သီတဂူစက္ခုဒါနဆေးရုံတော်များကို Covid 19 ရောဂါ စောင့်ကြည့်နေရာများအဖြစ် အသုံးပြုလိုပါကသက်ဆိုင်ရာမြို့နယ် ကျန်း မာရေးဌာနနှင့် ဆွေးနွေးတိုင်ပင်၍ ခွင့်ပြုလိုက်ကြောင်း ထုတ်ပြန်ချက်တွင် ဖော်ပြထားသည်။

Crd Eleven